اسمها حب


آخر تحديث: November 14, 2017, 3:24 pm


أحوال البلاد
بقلم: حسام العقدة

آسف إنّي ما صدّقتكش
لمّا حلفت..
إن مافيش حاجه في الدنيا..
اسمها حب
قولت اكيد..
تعبان نفسياً
او قصة حبه ما كملتش
خدت الموضوع تهريج
وبعتنا نجيب العشا
ونكمل لعب الكوتشينه
وشربنا الشاي..
وما خدتش بالي تماماً
من حالة قلبك..
كان لازم ادقق اكتر..
في ملامح عينك
آسف جداً..
اني اخدت كلامك بإستخفاف
لو فكرت في معني كلامك اكتر..
كنت أوفر علي نفسي سنين..
كنت ما ضيعتش عمري..
آسف..